Sambrama Wecana

Ulang Tahun Seka Truna Truni Ring Desa Panji

“Om Swastiastu”

Inggih, para manggala praja sane wangiang titiang

Bapak kelian dinas utawi sane ngangganin dane sane bhaktinin titiang

Bapak kelian adat banjar sane kasumayang titiang

Ketua truna truni sane tresnasihin titiang

Para truna truni Desa Adat Panji sane wangiang titiang

Maka purwaning atur, ngiring sinarengan ngaturang rasa pangayubagia majeng ring Ida Sang Hyang Widhi Wasa, duaning malarapan pasuecan Ida mawinan iraga sareng sami prasida mangguh karahajengan

Ida dane sareng sami sane wangiang titiang dina rahinane puniki. Titiang jagi ngaturang parindikan acara ulang tahun seka truna truni banjar druene. Titiang jagi ngarianin kupon bazar ring banjar. Kupon bazar niki jagi kelaksanayang tigang rahina. Dudonan acara niki kemargiang antuk truna trunine sinamian. Titiang nunas ring para semeton truna truni ngemarging kupon niki mangda gelis puput. Malih titiang nunas para semeton truna truni mangda memargi becik rahayu lan rahajeng nuju ngemargiang acara kupon bazar sane jagi kelaksanayang niki. Dumogi sangkaning pasuecan Ida Sang Hyang Widhi Wasa mawian satata truna truni druene pinaka dasar ngemolihang kerahayuan lan kerahajengan.

Inggih kadi asapunika titiang prasida matur atur ring galahe sane becik puniki. Dumogi wenten pikenohnyane makakiranglangkung atur titiang. Lugrayang titiang ngelungsur geng rena pengampura. Pinaka pamuput atur lugrayang titiang ngaturang parama santih.

“Om Santih, Santih, Santih Om”